Vüqar Dadaşov Millət vəkillərinə korrupsiya ilə bağlı müraciət etdi

Tanınmış hüquqşünas, Azərbaycan Jurnalistlər Birliyinin üzvü,  Ziyalılar Klubunun İH-nin üzvü, publisist, VI çağırış Milli Məclis deputatlığa namizəd, Qarabağ Qazisi Vüqar Dadaşov korrupsiyaya qarşı səmərəli mübarizənin təşkilinə dair Milli Məclisə təqdim etdiyi layihənin qəbul edilməsi üçün Milli Məclis deputatlarına müraciət edib. Vüqar Dadaşov bu barədə sosial səhifəsində məlumat verib. Həmin yazını olduğu kimi təqdim edirik.

Təxminən iki ilə yaxın bundan qabaq V çağırış Milli Məclisinə və müvafiq orqanlara verdiyim "Korrupsiyaya qarşı səmərəli mübarizənin təşkili haqqında" layihə, Parlamentin buraxılması və yeni seçkilərin keçirilməsi dövrünə düşdüyündən bu layihə baxılmamış qalmış baxmayaraq ki, V çağırış Milli Məclisdən bu layihəyə baxılacağı barədə mənə cavabda verilmişdi.

Sözsüz ki, ölkədə korrupsiyaya qarşı səmərəli mübarizənin təşkilinə kompleks şəkildə yanaşılmalı və ilk növbədə Məhkəmə-hüquq sistemində islahatlar aparılmalıdır. Keçən il, Cənab Prezidentimizin Məhkəmə-hüquq sistemində islahatların aparılmasına dair Sərəncamı da məhz ədalətli məhkəmə-hüquq sisteminin fəaliyyətinə həmçinin, korrupsiyaya qarşı səmərəli mübarizənin təşkilinə hesablanıb. Yeri gəlmişkən qeyd edim ki, Məhkəmə-hüquq sistemində keçən ildən islahatlara başlanılıb və bu sahədə mühüm dəyişikliklər baş verib.

Bu baxımdan, keçən il Cənab Prezident İlham Əliyevin sözü gedən məlum Sərəncamından sonra, xeyli müddət vaxta hazırladığım Məhkəmə-hüquq sistemində dəyişiliklərlə bağlı təkliflərimi (Layihə) Milli Məclisə və müvafiq orqanlara təqdim etmişdim (http://talkaz.tv/?p=7619), və həmin layihəm V-ci çağırış Milli Məclis tərəfindən nəzərə alınmışdı.

09.02.2020-ci il yeni Parlament seçkilərindən sonra təşkil olunan VI-cı çağırış Milli Məclis deputatlarına müraciət edərək, Milli Məclisə təqdim etdiyim "Korrupsiyaya qarşı səmərəli mübarizənin təşkili barədə" Layihənin ( http://talkaz.tv/?p=5512)qəbul edilməsində səyləri artırmağı xahiş edirəm.

  Bir daha əlavə etmək istəyirəm ki, Prezident İlham Əliyev Cənabları korrupsiyaya qarşı mübarizəni daima diqqətində saxlamış və son dövrlərdə isə bu bəlaya qarşı apardığı daha amansız mübarizə uğurlu nəticələr verir. Dövlət başçısının apardığı islahat və korrupsiyaya qarşı mübarizə bütün xalqımız tərəfindən dəstəklənir, alqışlanır.

  Bu baxımdan İnanıram ki, hörmətli deputatlarımız "Korrupsiyaya qarşı səmərəli mübarizənin təşkili barədə" Layihənin qəbul edilməsində öz səylərini əsirgəməyəcək.

 SNN NEWS-Haber