Vüqar Dadaşov: Türk qardaşlarımız bizə qarşı ədalətsiz olacaqlarına inanmıram

Dünəndən, o qədər narahatçılıq içindəyəm, sözlə belə ifadə etmək çox çətindir. Mübariz Mənsimovun, onun adına və həyat tərzinə, əqidəsinə uyğun olmayan cinayətlə şübhəli qismində saxlanması məkrli, qərəzli və ədalətsizliyin nəticəsidir. Ancaq ki, haqq deyilən və gözə görünməyən hamıya bəlli bir qüvvə, AZƏRBAYCANIMIZIN MƏRD OĞLU MÜBARİZ RUHLU MÜBARİZİ qalib edəcək və onu, onu sevən xalqının yanına qaytaracaq. Mübariz xalqının ümid yeri, pənahı, güvəni və arxasıdır, belə bir oğlu xalqından ayırmaq onun xalqına- zərbədir. Türk qardaşlarımızdan bizlərə belə zərbə gözləmirəm və inanıram ki, qardaşlarımız haqqı görüb ədalətli qərar verəcək Mübarizi sevdiyi xalqına qaytaracaqlar. Yolunu, azadlığını səbirsizliklə gözləyirik.
  ALLAH KÖMƏYİN OLSUN!

  Vüqar Dadaşov
Qarabağ qazisi, hüquqşünas, Respublika Ziyalılar Klubunun İH-nin, AJB-nin üzvü, publisist.