"Mübariz Mənsimovun saxlanılmasına çox üzüldüm. Doğrusu, onun saxlana biləcəyi heç ağlıma gəlməzdi. O, Azərbaycanı və Azərbaycan türklərini ən yaxşı təmsil edən vətənpərvər oğullardan biridir. Ortada bir anlaşılmazlıq olmalı. Onun FETÖ-çü olma ittihamı ilə saxlanılması mənə şübhəli görünür. İnana bilmirəm ki, Mübariz Mənsimov cənab Rəcəb Tayyib Ərdoğan iqtidarına qarşı gəlmiş olsun. Buna səbəb də görə bilmirəm. Cənab Ərdoğan da qardaş Türkiyə və qardaş ölkələr üçün çox gözəl işlər görmüş böyük siyasi xadim və şəxsiyyətdir.
Mübariz Mənsimovun saxlanılması Azərbaycan üçün də yaxşı hal deyil və bizə başucalığı gətirmir. Bu gün birlik, inteqrasiya, möhkəm vətəndaş təməli, möhkəm beynəlxalq lobbi gücü tələb olunan zaman belə bir hadisənin baş verməsi məyusedicidir. Ümid edirəm ki, Azərbaycan və Azərbaycan vətəndaşları da Mübariz Mənsimovun yanında dayanacaq, onun günahsız olduğuna şahidlik edəcəklər.
Mübariz Mənsimovu tezliklə azadlıqda görmək istəyi ilə..."
SNN NEWS-Haber
Комментариев нет:
Отправить комментарий