SSRİ-nin dağılmasında müxtəlif faktorların kompleks təsiri var. Əsas səbəblər barədə isə müəllifi olduğum "MƏNİM DÜŞÜNCƏM" adlı kitabımda yazmışam. Ancaq, tarixə DALLES PLANI adı ilə düşmüş uzunmüddətli plan haqqında demək olar ki, az məlumatlıyıq.
Əvvəla onu deyim ki, Allen Dalles ABŞ Mərkəzi Kəşfiyyat İdarəsinin yaradıcı və aparıcı mütəxəssislərindən olmuş, 1942-1945-ci illər Avropada kəşfiyyatçı olmuşdur, 1947-ci ildən isə ABŞ MKİ-nin özündə fəaliyyətini davam etdirmişdir.
1953-1961-ciillərdə isə artıq ABŞ MKİ-nin rəhbəri vəzifəsində xidmət etmişdir.
ALLEN DALLES PLANInın mahiyyəti 1945-ci ildə çapdan çıxmış “SSRİ-yə qarşı Amerikanın müharibədən sonrakı doktrinasının həyata keçirilməsi barədə fikirlər” adlı kitabında açıqlanır. Həmin kitabdan və sonradan faktiki həyata keçmiş planın ən əsas məqamları və istiqamətləri haqqında A. Dalles yazır:
“ Müharibə qurtaracaq, hər şey qaydasında olacaq. Və bizlər nəyimiz varsa – bütün maddi gücümüzü insanların ələ alınmasına, axmaq yerinə qoyulmasına və aldadılmasına yönəldəcəyik!
İnsan beyni və təfəkkürü dəyişikliklərə istiqamətlidir. Orada qarmaqarışıqlıq toxumları səpsək, biz nəzərə çarpmadan onların mənəvi dəyərlərini saxtası ilə əvəz edər və bu saxta dəyərlərə inanmağa məcbur edərik. Necə?
Biz SSRİ-də bizim tərəfdarlarımızı, müttəfiqlərimizi taparıq. Ədəbiyyat, teatr, kino ən alçaq insan hisslərini təsvir və tərif edəcəklər. İnsan beyninə seksi, sadizmi, xəyanətkarlığı – bir sözlə hər bir mənəviyyatsızlığı yeridə biləcək rəssamları dəstəkləyəcək, onların adlarını yüksəldəcəyik. Dövlət idarəçikliyində qarmaqarışıqlıq, hərcmərclik yaradacağıq.
Daima məmurların rüşvətxorçuluğuna, prinsipsizliyinə, yekəbaşlığına imkan yaradacağıq. Bürokratçılıq, süründürməçilik ən yüksək səviyyəyə qalxacaq, saflıq və vicdanlıq gülünc halına çevrilıcıkdir. Kobudluq və həyasızlıq, uydurma və aldatma,narkomanlıq və sərxoşluq, bir-birindən heyvani qorxuluq və utanmazlıq, xainlik, millətçilik və xalqının ədavəti, ilk növbədə rus xalqına (rus xalqı deyərkən ümumlikdə SSRİ əhalisi nəzərdə tutulur) qarşı ədavət və nifrət –bütün bunlar bizim tərəfdən çox asanlıqla tətbiq ediləcək, çiçəklənəcəkdir.
Lakin, lap çox az saylar nə baş verdiyini anlayacaq, dərk edəcəklər. Ancaq bu adamlar köməksiz hala salınacaq, gülüncvəziyyətə salınacaqlar. Məhz bu yolla nəsillər ardıcıl olaraq,zəiflənəcək, əsas qüvvəni gənclərə yönəldəcək, onları korlayacaq, əxlaqını və mənəviyyatını pozacağıq. Onlardan yaltaqlar, ədəbsizlər, vətənpərvərliklərini itirənlər yaradacağıq.”
Nəticə göz qabağındadır. SSRİ 1991-ci ildə süqut oldu.
İndi də hədəf Azərbaycandır. Bizə qarşı elə bir vasitə yoxdur istifadə edilməsin, din, siyasət, iqtisadiyyat, təcavüz və nələr, nələr...
Doğma vətənimiz Azərbaycanda dilə gətiriləsi belə mümkün olmayan əxlaqsızlıq, mənəviyatsızlıq, sərhəddi bilinməyən harınlıq, ac gözlük elə bir səviyyədədir ki, milliliyimizə və dövlətçiliyimizə bir başa təhlükəyə çevrilib. Mal-mülk naminə, namusu, əqidəni, dövlət xalq maraqlarını qurban verənlərin əldə etdikləri artıq cəmiyyətdə normal hal kimi qəbul edilirsə demək, uçrumun astanasındayıq. Əxlaqımızı, adət-ənənələrimizi, xalqımızı, dövlətimizi qorumaq hər birimizin borcu deyilmi? Yoxsa, bizdə "Dalles planı"nın qurbanı olmaq istəyirik?! Qəsdimizə duran "qonşular"ın hiyləgər planlarından xəbərsizik-yoxsa, özümüzü xəbərsiz kimi aparırıq?
Vüqar Dadaşov
Qarabağ qazisi, hüquqşünas, Respublika Ziyalılar Klubunun İH-nin, AJB-nin üzvü, publisist.
Комментариев нет:
Отправить комментарий