72 saylı Yardımlı-Masallı SD-dən deputatlığa namizəd APREL QƏHRƏMANI Xəqani Cəfərova dəstək verək

2016-cı il Aprel ayında 4 günlük müharibə kimi tarixə düşən döyüşün qəhrəmanı, Qazi Polkovnik-Leytinant Xəqani Cəfərovun Milli Məclis üzvlüyünə namizədliyi qeydə alınıb. Bununla bağlı olaraq qəhrəman qazimiz Qarabağ müharibəsi iştirakçılarına müraciət edərək dəstəyə ehtiyac olduğunu bildirib. Sözsüz ki, bütün vətənsevərlər, müharibə iştirakçıları qəhrəman qazimizə dəstək verir və bu yolda qazimizə uğurlar arzulayırlar.
 Xəqani Cəfərov kimdir?
    Xaqani Ceferov 1978-ci il yanvar ayının 15-də Yardımlı rayon Ostaır kəndində anadan olub. 1995-ci ildə Bakı Ali Birləşmiş Komandanlıq məktəbinin “Artilleriya” ixtisasına qəbul olub. 1999- cu ildə təhsilini bitirib, leytenant kimi Gədəbəy rayonunda “N” saylı hərbi hissədə, hərbi xidmətə başlamışdır. Bakı, Gəncə və Ağdam bölgəsində işini davam etdirmişdir.2002-2003-cü illərdə Türkiyənin İzmir şəhərində ingilis dili kursunu bitirib, yenidən ölkəmizə dönərək “N” saylı hərbi hissədə Tağım komandiri, Batareya komandiri, Divizion komandiri, Briqadanın Artileriya rəisi vəzifələrində layiqincə xidmət etmişdir. 2016-cı il Aprel döyüşlərində Ağdamın Sarıcalı kəndi ərazisində döyüşlər zamanı atılan minanın partlaması nəticəsində baş- beyin və sinəsindən çoxlu sayda qəlpə yaraları alaraq Bakıya, sonra isə Türkiyəyə, Gülhanə xəstəxanasına aparılaraq müalicə olunmuşdur. Fəxrimiz və qürurumuz olan, ölkə prezidenti İlham Əliyev tərəfindən "İGİDLİYƏ GÖRƏ" medalı ilə təltif olunmuş Polkovnik- leytenant X.Cəfərov hal-hazırda Ali Hərbi Akademiyada baş müəllim kimi gənclərin hərbin sirlərini mənimsəmələri üçün çalışır.
Belə bir məsuliyyətli vəzifənin, missiyanın öhtəsindən ləyaqətlə gələcəyini düşünən, şərəfli həyat yolu keçən Qarabağ qazimiz, Polkovnik Leytenant Xəqani Cəfərovu qədirbilən xalqımız, Yardımlı, Masallı seçiciləri səs verməklə onu Parlament seçkilərində qələbələr qazanmasına nail olacaqlar.
Çünki, Xəqani bəy ölkəsini, dövlətini, xalqını, millətini sevən dəyərli ziyalımız, peşəkar hərbiçimiz, hərtərəfli savadlı və ən layiqli namizədlərdən biridir.
Yolunuz açıq, uğurların bol olsun, cənab Polkovnik Leytenant.

Xatırladaq ki, növbədənkənar Parlament seçkiləri 09.02.2020-ci il tarixə təyin edilib, seçkilərdə fəallıq istəyinizi gerçəkləşdirə bilər.

SNN NEWS-Haber