Qarabağ qazisi, hüquqşünas Vüqar Dadaşovun namizədliyi qeydə alındı

1-ci Qarabağ savaşının cəsur döyüşçüsü, qazi, hüquqşünas, Azərbaycan Jurnalistlər Birliyinin üzvü, Ziyalılar Klubunun İdarə Heyətinin üzvü Vüqar Dadaşovun Parlamentə namizədliyi 72 saylı Yardımlı-Masallı Seçki Dairəsindən qeydə alınıb.  

Vüqar Dadaşovun qısa tərcümeyi-halını oxucularımız təqdim edirik.

Dadaşov Vüqar Piri oğlu 18.12.1972-ci il tarixdə Yardımlı rayonunun Bozərən kəndində anadan olub,
1990-cı ildə orta məktəbi fərqlənmə ilə bitirib, məktəblilər arasında Azərbaycan Respublika Olimpiadasının qalibi olub,
1991-1996-cı illərdə Azərbaycan Respublikası DİN DQ tərkibində Azərbaycan Respublikasının ərazi bütövlüyü və suverenliyi uğrunda döyüşlərdə iştirak edib,
22.09.1993-cü il tarixdə Zəngilan Rayonunda işğalçı ermənilərlə döyüş zamanı yaralanıb.

1996-cı ildən 2014-cü ilədək Rusiya Federasiyasında yaşayıb.
Ali təhsillidir, Moskva Humanitar Akademiyasının Hüquqşünaslıq fakültəsini,
və Rusiya Federasiyası Nəqliyyat Nazirliyinin “Bilik” elmi mərkəzinin
“Əhalinin və yüklərinin daşınmasinin təşkili” ixtisasını və
“Ural Ali Məktəblər Assosiasiyası “ingilis dili” kursunu bitirib.

2000-2008-ci illər Ümumrusiya Azərbaycanlıları Konqresinin Sverdlovsk vilayəti bölməsinin nəzarət-yoxlama komissiyasının sədri vəzifəsində diaspor fəaliyyəti göstərib. Rusiyada hüquq-mühafizə orqanlarında və vəkillər ittifaqında tərcüməçi, hüquqşünas, hüquq məsləhətçisi kimi vəzifələrdə işləyib.
2015-ci ildən Azərbaycan KİV-də, TV-də, radioda, elektron mediada hüquqşünas, hüquq eksperti və politoloq kimi sıxış edir. 130-dan çox elmi, hüquqi, siyasi araşdırma xarakterli məqalə və 10-dan çox Azərbaycan Respublikasının Milli Məclisinə təqdim edilmiş  qanun layihələrinin müəllifidir.
21.10.2019-cu il tarixdə "Mənim düşüncəm" adlı tarixi-elmi, siyasi-fəlsəfi, ideoloji mövzuda yazılmış kitabı işıq üzü görüb.
Ailəlidir, üç övladı var.
Azərbaycan Respublikası Daxili İşlər Nazirliyinin “Müharibə veteranı”dır. Prezident təqaüdçüsüdür. Azərbaycan Jurnalistlər Birliyinin üzvüdür.

Xatırladaq ki, Azərbaycan Respublikasının Milli məclisinə növbədən kənar seçki 09 fevral 2020-ci ilə təyin olunub.  
 SNN NEWS-Haber