Qarabağ Qazisi, hüquqşünas Vüqar Dadaşov Milli Məclisə seçkilərdə iştirak etmək fikrindədir

   Bildiyimiz kimi, Azərbaycan Respublikası Prezidentinin 5 dekabr tarixli sərəncamı ilə ölkədə növbədənkənar parlament seçkiləri 2020- ci il fevralın 9-na təyin edilib. Qeyd edək ki, beşinci çağırış parlamentin buraxılması barədə qərar Milli Məclis üzvlərinin 2 dekabr tarixli müraciəti və Konstitusiya Məhkəməsinin 4 dekabr tarixli qərarı əsasında qəbul edilib.

Tanınmış hüquqşünas, Qarabağ Qazisi Vüqar Dadaşov Milli Məclisə keçiriləcək seçkilərə öz namizədliyini irəli sürmək fikrində olduğun bildirib. 

Xatırladaq ki, Dadaşov Vüqar Piri oğlu 18.12.1972-ci il tarixdə Yardımlı rayonu Bozayran kəndində anadan olub,1990-cı ildə orta məktəbi fərqlənmə ilə bitirib, məktəblilər arasında Azərbaycan Respublika Olimpiadasının qalibi  olub,1991-1996-cı  illərdə Azərbaycan  Respublikası DİN DQ tərkibində  Azərbaycan Respublikasının ərazi bütövlüyü və suverenliyi uğrunda döyüşlərdə iştirak edib, 22.09.1993-cü il tarixdə Zəngilan Rayonunda işğalçı ermənilərlə döyüş zamanı  yaralanıb.

1996-cı ildən 2014-cü ilədək Rusiya Federasiyasında  yaşayıb.

Ali təhsillidir, Moskva Humanitar Akademiyasının Hüquqşünaslıq fakültəsini,

və  Rusiya Federasiyası Nəqliyyat Nazirliyinin “Bilik” elmi mərkəzinin

 “Əhalinin və yüklərinin daşınmasinin təşkili” ixtisasını və  

“Ural  Ali Məktəblər Assosiasiyası   “ingilis dili” kursunu bitirib.

2000-2008-ci illər Ümumrusiya Azərbaycanlıları Konqresinin Sverdlovsk vilayəti bölməsinin nəzarət-yoxlama komissiyasının sədri vəzifəsində diaspor fəaliyyəti göstərib. Rusiyada hüquq-mühafizə orqanlarında və vəkillər ittifaqında tərcüməçi, hüquqşünas, hüquq  məsləhətçisi kimi vəzifələrdə işləyib.

2015-ci ildən  Azərbaycan KİV-də, TV-də, radioda,  elektron mediada  hüquqşünas, hüquq eksperti və politoloq kimi sıxış edir. 2018-ci il Azərbaycan Respublikası Prezidentliyinə eks namizəd Razi Nurullayevin vəkili olmuşdur. 130-dan çox elmi, hüquqi, siyasi araşdırma xarakterli məqalə və  10-dan çox Azərbaycan Respublikasının Milli Məclisinə təqdim edilmiş qanun layihələrinin, “Mənim düşüncəm” adlı tarixi, elimi, fəlsəfi mövzuda yazılmış kitab müəllifidir. Ailəlidir, üç övladı var.

Azərbaycan Respublikası Daxili İşlər Nazirliyinin  “Müharibə veteranı”dır. Prezident təqaüdçüsüdür. Azərbaycan Jurnalistlər Birliyinin üzvüdür.

 SNN NEWS-Haber